غریب عوام کیلئے معمولی ریلیف: چینی، چکن، انڈے اور دالوں کی قیمت میں کمی

لاہور: چینی، مرغی، انڈے اور دالوں کی قیمت میں بڑی کمی دیکھنے میں آئی ہے جس کے ساتھ ہی غریب عوام کو معمولی ریلیف بھی ملا ہے۔

مارکیٹ ذرائع کے مطابق لاہور میں مرغی کے گوشت کی قیمت میں کمی ہوئی اور مرغی کا گوشت 498 روپے فی کلو میں دستیاب ہے۔

مارکیٹ ذرائع کا بتانا ہے کہ مرغی کے گوشت کی قیمت میں چند روز میں 70 روپے کی کمی ہوئی ہے جبکہ لاہور میں ایک درجن انڈوں کی قیمت میں بھی 18 روپے کی کمی ہوئی ہے جو اب 285 روپے میں دستیاب ہے۔

ذرائع کا کہنا ہے ہول سیل مارکیٹ میں چینی بھی 159 روپے کلو میں فروخت ہو رہی ہے جبکہ پرچون میں چینی 166 سے 170 روپے فی کلو میں دستیاب ہے۔

مارکیٹ ذرائع کا بتانا ہے کہ چند روز میں چنے اور دال ماش کی فی کلو قیمت 30 روپے کم ہوئی ہے جبکہ بڑی ڈبل روٹی 10 روپے اضافے کے بعد 230 روپے اور چھوٹی ڈبل روٹی 10 روپے مہنگی ہونے کے بعد 130 روپے کی ہو گئی ہے۔

یاد رہے کہ چینی کی سمگلنگ اور ذخیرہ اندوزی کے باعث چند روز قبل ملک بھر میں چینی کی قیمت 200 روپے سے بھی اوپر چلی گئی تھی اور مختلف شہروں میں مرغی کا گوشت 600 سے ساڑھے 600 روپے کلو جبکہ انڈے 300 روپے فی درجن میں دستیاب تھے۔

یہ وڈیوز بھی دیکھیں:

یہ بھی چیک کریں

نان فائلرز کی موبائل فون سمز بند کرنے کیلئے ورکنگ گروپ تشکیل

اسلام آباد:انکم ٹیکس جنرل آرڈر کے تحت نان فائلرز کی موبائل فون سمز بند کرنے …