پاکستان کے زرمبادلہ کے ذخائر میں اضافہ ہوگیا

اسٹیٹ بینک آف پاکستان نے ملکی زرمبادلہ کے ذخائر کے اعداد و شمار جاری کردیے۔

اسٹیٹ بینک کی جانب سے جاری رپورٹ کے مطابق نئے سال کے دوسرے ہفتے پہلی بار زر مبادلہ کے ذخائر میں اضافہ ریکارڈ کیا گیا۔

Total liquid foreign #reserves held by the country stood at US$ 10.44 billion as of January 13, 2023.
For details https://t.co/WpSgomnKT3 pic.twitter.com/DQUGDu3oNT

— SBP (@StateBank_Pak) January 19, 2023

اسٹیٹ بینک کا کہنا ہے کہ درآمدات روکنے سے زرمبادلہ ذخائر کی گراوٹ رکی ہے، 13 جنوری تک ملکی زرمبادلہ کے ذخائر  10 ارب 44 کروڑ ڈالر رہے۔

جنوری کے دوسرے ہفتے میں زرمبادلہ کے ذخائر 25 کروڑ  58  لاکھ ڈالر  بڑھے ہیں۔

اسٹیٹ بینک کے ذخائر 25 کروڑ 80 لاکھ ڈالر اضافے سے 4.60  ارب ڈالر ہیں جبکہ  13 جنوری تک کمرشل بینکوں کا زرمبادلہ کا ذخیرہ  22  لاکھ ڈالر کم  ہو کر 5.84 ارب ڈالر رہا۔