مودی سرکار کے شدت پسندانہ عزائم علاقائی امن کیلئے حقیقی خطرہ ہیں :عمران خان

اسلام آباد:وزیراعظم نے کہا ہے کہ بھارت میں اقلیتوں کی نسل کشی پر اکسانے والی ہندوتوا کانفرنس کیخلاف مودی سرکار کی مسلسل خاموشی پر بڑا سوالیہ نشان ہے، مودی سرکار کا شدت پسندانہ رویہ تمام اقلیتوں پر حملہ ہے، ایسے عزائم علاقائی امن کیلئے شدید خطرہ ہیں۔

وزیراعظم عمران خان نے سماجی رابطے پر اپنے پیغام میں مسلمانوں کی نسل کشی پر مودی کی خاموشی پر سوال اٹھاتے ہوئے کہا کہ وقت آگیا ہے کہ عالمی برادری نوٹس لے اور کارروائی کرے۔

بھارتیہ جنتا پارٹی کی مودی سرکار کے شدت پسندانہ نظریے کے سائے میں ہندوتوا جتھے پوری ڈھٹائی اور آزادی سے بھارت میں تمام مذہبی اقلیتوں پر حملہ آور ہیں۔ مودی سرکار کے یہ شدت پسندانہ عزائم ہمارے علاقائی امن کیلئے ایک جیتا جاگتا اورحقیقی خطرہ ہیں۔

— Imran Khan (@ImranKhanPTI) January 10, 2022

عمران خان کا مزید کہنا تھا کہ بھارت میں اقلیتوں خصوصاً 20 کروڑ مسلمانوں کی نسل کشی پر اجلاس ہوا، اجلاس کی کال انتہا پسندہندوتوا قیادت نے دی تھی، دسمبر میں ہوئے اجلاس پر مودی سرکار مسلسل خاموش ہے، سوال اٹھتا ہے کیا بی جے پی حکومت اس اجلاس کی حمایتی ہے ؟ وقت آگیا ہے کہ عالمی برادری نوٹس لے اور کارروائی کرے۔