لاہور: گندم کے بعد مرغی کے گوشت کی قیمت میں بھی بڑی کمی

لاہور میں گندم کے بعد مرغی کے گوشت کی قیمت میں بھی بڑی کمی ہو گئی۔

مارکیٹ اعلامیے کے مطابق آج مرغی کے گوشت کی قیمت میں 70 روپے فی کلو کمی آئی ہے، فی کلو مرغی کے گوشت کی قیمت 504 روپے پر آ گئی ہے، تاہم انڈوں کی قیمت میں کمی نہ ہو سکی اور قیمت 289 روپے درجن برقرار ہے۔

دوسری جانب ذرائع کا بتانا ہے کہ پنجاب میں گندم کی قیمت مزید کم ہو کر 3800 روپے من ہو گئی ہے جبکہ جنوبی پنجاب میں گندم کی قیمت 3500 روپے من ہیں۔

ذرائع کا کہنا ہے کہ گندم کی قیمت کم ہونے کے باوجود بازار میں آٹے کی قیمت کم نہ ہو سکی، چکی اور فلور ملز مالکان قیمت کم کرنے کو تیار نہیں ہیں۔

ذرائع کے مطابق ڈپٹی کمشنر اور کمشنر سرکاری آٹے کی قیمتوں پر عمل نہیں کرا پا رہے، دکاندار  آٹے کی من مانی قیمتیں وصول کر  رہے ہیں۔

لاہور شہر میں بیف اور مٹن بھی مہنگا فروخت ہو رہا ہے، اور اس حوالے سے شہریوں کا کہنا ہے کہ بیف اور مٹن سرکاری نرخوں سےکئی گنا مہنگا بیچا جا رہا ہے لیکن کوئی چیک کرنے والا ہی نہیں ہے۔

یہ بھی چیک کریں

جسٹس مرزا وقاص رؤف کی جانب سے قادیانیوں کو مسلمانوں کا فرقہ لکھے گئے متنازع پیراگرافس کو غیر موثر قرار دے دیا گیا

(نمائندہ خصوصی لاہور) آج لاہور ہائیکورٹ راولپنڈی بینچ نے 12.06.2024 کو جسٹس مرزا وقاص رؤف …