ملک بھر میں آج درجہ حرارت معمول سے زیادہ رہنے کا امکان

ملک بھر میں درجہ حرارت آج معمول سے زیادہ رہنے کا امکان ہے۔

محکمہ موسمیات کے مطابق آج بالائی اور وسطی پنجاب، اسلام آباد،بالائی خیبرپختونخوا ، گلگت بلتستان اور کشمیر میں دن کے وقت درجہ حرارت معمول سے زیادہ رہنے کا امکان ہے۔

محکمہ موسمیات کا بتانا ہےکہ گرمی کی شدت میں 4 سے 6 ڈگری سینٹی گریڈ تک اضافہ ہوسکتا ہے جب کہ سندھ، جنوبی پنجاب اوربلوچستان میں دن کا درجہ حرارت 2 سے 4 ڈگری سینٹی گریڈ معمول سے زیادہ رہنے کا امکان ہے۔

محکمہ موسمیات کے مطابق گزشتہ روز سب سے زیادہ درجہ حرارت نوکنڈی میں 49 ڈگری سینٹی گریڈ ریکارڈ کیا گیا تھا جب کہ لاہور میں 42، سرگودھا 45، اسلام آباد 41، کراچی 36، پشاور میں 44 اور کوئٹہ میں گرمی کی شدت 40 ڈگری سینٹی گریڈ ریکارڈ کی گئی تھی۔

پی ڈی ایم اے کا الرٹ

پی ڈی ایم اے کے مطابق ملک میں آج سے بارشیں برسانے والا سسٹم داخل ہوگا جس کے تحت آج رات سے 30 جون کے دوران ملک کے مختلف حصوں میں بارشیں متوقع ہے۔

پی ڈی ایم اے کا کہنا ہےکہ عیدالاضحیٰ کے موقع پر موسم خوشگوار رہنے کی توقع ہے۔

یہ وڈیوز بھی دیکھیں:

https://youtube.com/shorts/0KNeh1kOrXE
https://youtube.com/shorts/q7H6DBMld4E

یہ بھی چیک کریں

بجٹ 2024، پنجاب میں کم بجلی استعمال کرنیوالے صارفین کو مفت سولر سسٹم دینے کا اعلان

پنجاب حکومت نے مالی سال 25-2024 کے بجٹ میں کم بجلی استعمال کرنے والے صارفین …