اقوام متحدہ کا ایک بار پھر مقبوضہ کشمیر میں انسانی حقوق کی دگرگوں صورتحال پراظہارتشویش

جینیوا: (ویب ڈیسک ) اقوام متحدہ نے بھارت کے غیر قانونی زیر تسلط جموں و کشمیر میں انسانی حقوق کی دگرگوں صورتحال پر ایک بار پھرتشویش کا اظہار کیا ہے۔

اقوام متحدہ کے نائب ترجمان فرحان حق نے یہ بیان 5 اگست 2019 کوجموں و کشمیر کی خصوصی حیثیت کو ختم کرنے کے بھارت کے یکطرفہ اقدام سے متعلق ایک سوال کے جواب میں دیا ۔

نیویارک میں عالمی ادارے کے صدر دفتر میں معمول کی بریفنگ کے دوران کئے گئے سوال کے جواب میں انہو ں نے کہا کہ اقوام متحدہ کی طرف سے بھارت کے غیر قانونی زیر تسلط جموں و کشمیر میں انسانی حقوق کی دگرگوں صورتحال پر جن خدشات کا اظہار کیا گیا تھا وہ اب بھی موجود ہیں۔

انہوں نے کہا کہ میں ان خدشات کا اعادہ کروں گا جن کا اظہار اس سے پہلے اقوام متحدہ کے ہائی کمشنر برائے انسانی حقوق کے دفتر اور دیگر ذرائع سے کیا جا چکا ہے۔

کشمیر میں انسانی حقوق کی صورت حال کے بارے میں جن خدشات کا اظہار ہم نے پہلے کیا وہ اب بھی برقرار ہیں ۔

واضح رہے کہ5 اگست 2019 کے یکطرفہ بھارتی اقدام کی چوتھی برسی کے موقع پر دنیا بھر میں مقیم کشمیریوں اور پاکستانیوں نے اقوام متحدہ سے کشمیریوں کو حق خود ارادیت دینے کا مطالبہ کیا ہے۔

یہ وڈیوز بھی دیکھیں:

یہ بھی چیک کریں

گیس لائن منصوبہ، ایران نے ڈیڈ لائن بڑھادی، تہران کا پاکستان پرسنجیدگی دکھانے کیلئے زور

اسلام آباد: ایران نے انتہائی زیادہ تاخیر کا شکار ایران پاکستان (آئی پی) گیس لائن …