لاہور: مختلف علاقوں میں احتجاج کے باعث بند شاہراہیں کھول دی گئیں

لاہور کے مختلف علاقوں میں احتجاج کے باعث بند شاہراہیں کھول دی گئی ہیں۔

پولیس کے مطابق لاہور میں رات گئے تک پی ٹی آئی کارکنان کا وقفے وقفے سے احتجاج جاری رہا اور کارکنان کے منتشر ہونے کے بعد شہر کی سڑکیں کھول دی گئی ہیں تاہم مال روڈ انڈر پاس سے لے کر دھرم پورہ انڈر پاس تک ٹریفک کیلئے بند ہے۔

پولیس کا کہنا ہےکہ لاہور کی مختلف شاہراہوں پر پولیس کی نفری تعینات ہے، رات سے بند فیروزپور روڈ قرطبہ چوک ٹریفک کیلئے کھول دیا گیا تھا جب کہ کنال روڈ، جیل روڈ اور ظفرعلی روڈ پر ٹریفک رواں دواں ہے۔

یہ بھی چیک کریں

بجٹ 2024، پنجاب میں کم بجلی استعمال کرنیوالے صارفین کو مفت سولر سسٹم دینے کا اعلان

پنجاب حکومت نے مالی سال 25-2024 کے بجٹ میں کم بجلی استعمال کرنے والے صارفین …