پاکستان کی کرناٹک میں مسلم طالبات کے حجاب پہننے پر پابندی کے اقدام کی شدید مذمت

اسلام آباد: پاکستان نے بھارتی ریاست کرناٹک میں مسلم طالبات کے حجاب پہننے پر پابندی کے اقدام کی شدید مذمت کی ہے۔ بھارتی ناظم الامور کو وزارت خارجہ میں طلب کر کے اس اقدام پر حکومت پاکستان کی شدید تشویش اور مذمت سےآگاہ کیا گیا۔

ترجمان دفتر خارجہ عاصم افتخار کے مطابق بھارتی ناظم الامور کو پاکستان کی گہری تشویش سے آگاہ کیا گیا اور زور دیا کہ وہ بھارتی حکومت کو پاکستان کے تحفظات کے بارے میں آگاہ کریں۔ ترجمان کا کہنا تھا بھارت میں منفی دقیانوسی تصورات اور امتیازی سلوک جاری ہے، بی جے پی قیادت کی خاموشی اور ہندوتوا کے حامیوں کے خلاف قابل فہم کارروائی کی عدم موجودگی پر گہری تشویش ہے۔

یہ بھی چیک کریں

آزاد کشمیر میں نام نہاد دہشتگردوں کے کیمپوں کا بھارتی دعویٰ بے بنیاد ہے: پاک فوج

راولپنڈی:پاک فوج کا کہنا ہے کہ بھارتی فوج کے اعلیٰ افسر کا آزاد جموں و …